Неъматулло Қуттибоев: “Бугун “Орол” энг яхши ўйинини кўрсатди”
03 окт 2013 17:32
Янгиликлар

Неъматулло Қуттибоев: “Бугун “Орол” энг яхши ўйинини кўрсатди”

Бугун биринчи лиганинг 11-тур ўйинлари бошланди. Мусобақада молиявий муаммолар туфайли аранг қатнашиб келаётган Нукуснинг “Орол” жамоаси ниҳоят бугун чемпионатдаги дастлабки ғалабасини нишонлади.

Неъматулло Қуттибоев бошқарувидаги жамоа “НБУ-Осиё”ни 2:0 ҳисобида мағлубиятга учратиб, шу тариқа ўз ҳисобига уч очко ёзиб қўйишга эришди.

- Бугун йигитлар яхши ўйнади – дея гап бошлади “Орол” жамоаси бош мураббийи Қуттибоев. - Тўғри, “НБУ-Осиё” ҳам яхши жамоа. Уларда гол уриш учун бир қанча имкониятлар бўлди. Аммо биз бунга йўл қўймадик. Иккинчи бўлимда шогирдларим ҳужумкорликни ошириб, рақиб дарвозасини икки бор аниқ нишонга олишга эришди. Бу бизнинг мавсумдаги биринчи муваффақиятимиз эканлиги учун, бундан жуда ҳурсандмиз. Ўйиндан олдин, шогирдларимни яхши руҳлантириб, баҳсга муносиб равишда тайёрлагандик.

- Таркибимиз асосан маҳаллий ёшлардан ташкил топган. Бугунги ўйинда гол урган ўйинчиларимиз 1994-1995 йилларда таваллуд топган йигитлардир. Албатта келажакда улардан яхши футболчи етишиб чиқади деб ўйлайман. Бунинг учун ёшлар ўз устида ишлашни бир зум ҳам тўхтатиб қўйишлари керак эмас. Бугунги ўйин мухлисларга ҳам ёқди. Чунки “Орол” энг яхши ўйинларидан бирини ўтказди дейиш мумкин.

- Молиявий масала хусусида гапирмоқчи эмасман. Шароитлар ижобий бўлишига умид қилиб, ишлашда давом этамиз.

Исломбек Рустамбеков ёзиб олди.

Ҳавола :

Манба : championat.asia

Янгиликларни Телеграмда ўқинг!

Рейтинг: