"Нефтчи" халқаро ўртоқлик учрашувида Қирғизистон клуби билан дуранг ўйнади

Учрашувнинг биринчи бўлимида дастлаб Шаҳзодбек Убайдуллаев ҳисобни очиб фарғоналикларни олдинга олиб чиққан бўлса, биринчи бўлим сўнгига келиб меҳмонлар ҳисобни тенглаштиришди. Гол муаллифи биринчи бўлимнинг ўзидаёқ захирадан ўйинга қўшилган Нурлан Риспаев бўлди.

Беллашувнинг иккинчи бўлими ҳам фарғоналикларнинг устунлиги остида бошланди. Бўлим ўрталарига келиб кетма-кет ҳужумлар самара бермагач, "Нефтчи" бош мураббийи Виталий Левченко майдонга Лутфулла Тўраев, Мирзоҳид Ғофуров ва Умар Адҳамзодаларни майдонга туширди. Шундан сўнг мезбонлар томонидан ташкил этилган янада хавфли тус ола бошлади. Бироқ, учрашув сўнгига қадар дарвозаларга бошқа тўп киритилмади.

Таъкидлаш жоиз, Қирғизистон клуби учрашув давомида тартибли ҳимояланди. Шунингдек, жамоа қарши ҳужумларда ҳам бир неча бор хавфли вазиятларни ярата олди.

Халқаро ўртоқлик учрашуви.

Қувасой. "Цементчи" ўйингоҳи.

"Нефтчи" (Фарғона, Ўзбекистон) - "Каганат" (Ўш, Қирғиз Республикаси) 1:1

Голлар: Шаҳзодбек Убайдуллаев (1:0), Нурлан Риспаев (1:1)

"Нефтчи": Евгений Конюхов, Дарко Станоевич, Муҳсинбек Убайдуллаев, Нодирхон Неъматхонов, Аббосбек Ғуломов, Дониёр Валиев, Сирожиддин Қўзиев, Абдуллоҳ Олимов, Дониёр Мадаминов, Суннатилло Абдуллажонов, Шахзодбек Убайдуллаев. 

Захира: Машҳурбек Мухаммаджонов, Андрей Мишенко, Олексей Ларин, Мирзоҳид Ғофуров, Умар Адҳамзода, Лутфулла Тўраев, Фахриддин Муҳаммадов, Фозил Мусаев.

"Каганат": Русланбек Амиров, Заҳириддин Абдулажонов, Нурсултон Тўктаналиев, Ҳасан Юлдашев, Вадим Логинов, Бектур Качканбаев, Дастанбек Токтасунов, Бегзадбек Насиров, Амантур Шомирзаев, Саиджамол Давлатжонов, Шоҳрухбек  Муродов.

Захира: Нурлан Риспаев, Шамсанбек Бақит ўғли, Исабек Жўраев, Антон Федюнин, Эрик Петросян

Бекзод Толибов тайёрлади