"Нефтчи" Тошкентда машғулотларни олиб бормоқда. Мураббийлар штабига хориждан мутахассис ва легионер футболчи келиши мумкин

Бугун жамоа аъзолари Тошкентдаги "Тўқимачи" стадионида машғулотларни олиб борди, унда бир қатор янги қўшилган футболчилар ҳам иштирок этди. Дастлаб майдон бўйлаб енгил югуриш ва чигалёзди машқларини бажарган футболчилар машғулотнинг иккинчи қисмида тўп билан ишлашга эътибор қаратишди. Дарвозабонлар билан эса Руслан Аҳмедхонов алоҳида шуғулланди. 

Клуб қизиқиш билдираётган АГМК футболчиси Сайдулло Раҳматов яқин кунларда "Нефтчи"нинг машғулотларига қўшилади. Шунингдек хориждан жисмоний тайёргарлик бўйича мураббий ва легионер футболчи таклиф қилиниши эҳтимоли мавжуд. Ўтган мавсум жамоада тўп тепган футболчилардан Отабек Зокиров, Шодиёр Ҳожиматов, Ислом Каримов, Ислом Тошпўлатов ҳамда "Насаф" жамоаси дарвозабони Машҳур Муҳаммаджонов бугун умумий гуруҳ билан машғулот ўташди. 

Қуйида машғулотлардан олинган фотосуратларни томоша қилишингиз мумкин.