"Нефтчи" "Ҳоким кубоги"га тайёргарликни бошлади

Фарғоналиклар мазкур турнирга тайёргарликни ўз қароргоҳларида олиб боришмоқда. Машғулотлар кунига икки мартадан ўтказилмоқда. Жамоанинг эрталабки машғулотлари асосан жисмоний тайёргарликка қаратилаётган бўлса, куннинг иккинчи қисмида "Нефтчи" мураббийлари футболчиларнинг тўп билан ишлаш борасидаги тажрибаларини мустаҳкамлашди.

Фарғона вилоятида анъанавий тарзда ўтказилиб келинаётган "Ҳоким кубоги" мусобақаси жорий йилнинг январь-февраль ойларида бўлиб ўтиши режалаштирилган. Маълумот учун "Нефтчи" ўтган мавсумда мазкур мусобақанинг финалига қадар етиб борган ва бош соврин учун кечган баҳсда "Қўқон-1912"га имкониятни бой берганди.

Бекзод Толибов тайёрлади