Назорат учрашуви. “Насаф” - "Машъал" 3:1
20 июл 2019 10:22
Янгиликлар

Назорат учрашуви. “Насаф” - "Машъал" 3:1

Иккинчи даврага қизғин тайёргарлик кўраётган “аждарлар” кеча Қарши “Марказий” стадионида бўлиб ўтган ўртоқлик учрашувида Муборакнинг “Машъал” жамоасини қабул қилди.

Қизиқарли кечган баҳсда "Насаф" ишончли ғалабага эришди – 3:1. Биринчи бўлиб ҳисобни мезбонлар очишди, Бобир Абдихолиқов ўзини кўрсатди – 1:0. Бироқ кўп ўтмай Шокир Йўлдошев ҳисобни тенглаштирди – 1:1. “Газчилар” ўз жарима майдончалари ичида Дилшод Саитовга нисбатан ўйин қоидасини бузишди. 11 метрлик жарима тўпини Азизжон Ғаниев рақиб дарвозаси тўрига жойлаб қўйди - 2:1. Акмал Мозговой учрашувнинг сўнги голига муаллифлик қилди – 3:1.

19 июль. Қарши. “Марказий” стадиони
Назорат учрашуви.
“Насаф” -“Машъал” 3:1
Голлар: Б. Абдихолиқов, А. Ғаниев (пен), А. Мозговой - Ш. Йўлдошев.