Назорат учрашуви. "Машъал" - "Махтаарал" 2:1
04 мар 2015 13:55
Янгиликлар

Назорат учрашуви. "Машъал" - "Махтаарал" 2:1

Бугун "Машъал" Янгиердаги Марказий стадионда Қозоғистоннинг биринчи лига вакили "Махтаарал" клубига қарши назорат учрашувини ўтказди.

Биринчи бўлимда ўз ташаббуси остида ўтказган "газчилар" 8 дақиқада бурчакдан киритилган тўпни жарима майдончаси ичида аниқ зарба билан дарвозага жойлаб қўйди. 43 дақиқада жарима зарбасини вакилларимиз бош билан берилган зарбадан сўнг ҳисобни оширди ва танаффусга шу ҳисоб билан чиқиб кетишди.

Иккинчи бўлимни ҳам устунликда бошлаган "Машъал" 50 дақиқадан бошлаб ўйинни 10 киши бўлиб давом эттиришга мажбур бўлди. 80 дақиқада қозоғистонликларнинг ўзбекиcтонлик легионери Абдураззоқ Жўраев жаримадан киритилган тўпни дарвоза аниқ йўллади ва ҳисобни қисқартирди. Ўйин якунигача бошқа тўп киритилмади ва шу ҳисоб сақланиб қолди.

Назорат учрашуви.
Янгиер. 04.03.2015
"Машъал" - "Махтаарал" 2:1

Эслатиб ўтамиз, "Машъал" 6 март куни "Қўқон-1912"га қарши мавсум олдидан сўнгги назорат ўйинини ўтказади. 1-тур баҳсида жамоамиз 14 март куни, Наманганда "Навбаҳор"га қарши майдонга чиқади.

Ҳавола :

Манба : fcmashal.uz

Янгиликларни Телеграмда ўқинг!

Рейтинг: