UZ

Сўнгги янгиликлар

02:55АПЛ. Магуайр ва Марсьяль "Манчестер Юнайтед"га "Стэмфорд Бриж"да ғалаба келтирди  62 02:42А Серия. "Милан" ғалаба қозонди ва 2 поғона юқорилади  4 00:27ОЧЛ. А гуруҳида "Ал Ваҳда" ҳамда "Ал Аҳли" қўшҳокимлик ўрнатишди  0 00:03Англия. Марказий ўйин. "Челси" - "Манчестер Юнайтед". Асосий таркиблар эълон қилинди!  34 23:58Италия. "Милан" Турин клуби билан ўйнайди (асосий таркиблар)  2 23:52Блинд АПЛга қайтиши мумкин  0 23:39Чалхаонглу жароҳат олди  1 23:21Кальехон фаолиятини Хитойда давом эттириши мумкин  4 22:55"Ливерпуль"нинг "Атлетико"га қарши ўйин учун қайдномаси эълон қилинди  16 22:48Фелиш "Ливерпуль"га қарши ўйинни ўтказиб юборади  3 22:29Мюнхен авиаҳалокатида тирик қолган МЮ дарвозабони вафот этди  7 22:27Драган Черан: "Иккинчи бўлимда эркинроқ ўйнадик"  5 22:11Артета "Арсенал" футболчиси билан урушиб қолди  3 22:09Сергеевдан голли, Машариповдан пасли дубль. "Пахтакор" форсларни ер тишлатган ўйиндан ГАЛЕРЕЯ  19 22:00ОЧЛ-2020. “Пахтакор” – "Шаҳр Ходро" учрашувининг энг яхши футболчиси маълум бўлди  19

“Навбаҳор”нинг 1996 йилги “Олтин йигити” бир ёшга улғайди Янгиликлар

“Навбаҳор”нинг 1996 йилги “Олтин йигити” бир ёшга улғайди

Бугунги санада ўз таваллуд кунларини нишонлаётган футбол аҳлини унутилмас сана билан қутлашда давом этамиз.

Бугун яна бир ёшга улғайганлар орасида Наманган футболи тарбияланувчиси, “Навбаҳор”нинг олтин авлод вакили, 1996 йили клуб билан бирга ҳозиргача ягоналигини сақлаб келаётган чемпионликка эришган Зафар Мусабоев ҳам бор. 

Ўша йили Виктор Жалилов бош мураббийлигида Наманганда ажойиб жамоа ташкил этилган эди. Мавсумни кўтаринки руҳда ўтказган “Навбаҳор” футболчилари якунда тарихий чемпионликни қўлга киритишганди. Шонли жамоа таркибида тажрибали ҳужумчи Зафар Мусабоев ҳам бўлган. Бугунги кунда Зафар ака футболдан бироз йироқда, аниқроғи тадбиркорлик билан шуғулланяпти. 

- Зафар ака, сизни ўрта авлод футбол мухлислари жуда яхши билишади. Лекин футболчилик фаолиятингизни якунлаганингиздан сўнг бироз севимли касбингиздан йироқлашгандек таассурот қолдирдингиз. Бугунги кунда нималар билан бандсиз? 

- Бошқа соҳада фаолиятим давом этяпти. Тадбиркорлик билан шуғулланяпман. Шу орқали қора қозонимиз қайнаб турибди (кулади). Лекин барибир футболдан узоқлашиб кетганим йўқ. Аллоҳ раҳматига олсин, устозим Абдулло Жўрабоев билан бирга Чортоқ туманида футбол жамоаси тузган эдик. У киши Чортоқдан етишиб чиққан ягона мураббий эдилар. Жуда ҳам кўп шогирдларни тарбиялаганлар. Улар орасида Тоҳир Мадраҳимов, Рашид Ғофуров, Муҳиддин Ортиқов, Обид Жўрабоев, Мирзоҳид Ғофуров, Анвар ва Аъзам Ҳафизов, Ғиёс Комилов каби футболчиларни алоҳида айтиш мумкин. 

- Мураббий сифатида катталар жамоасида ишлаш ниятингиз йўқми?

- Ҳозирча йўқ. Айни пайтда ўз ишим бор. Юқорида айтиб ўтганимдек, бир неча йилдан бери тадбиркорлик билан шуғулланиб келяпман. Ҳар бир инсон ўз севган касбини қилгани яхши, деб ўйлайман. Қолаверса, оиламиз катта. Мен ягона ўғил фарзандман. Беш нафар синглим бор. Фарзандлар тарбияси, уларни турмушга бериш билан шуғулланиш менинг зиммамга юкланганди. Шукрки, бугунга келиб сингилларимнинг барини узатдик. Улар ўз оилалари билан бахтли ҳаёт кечиришяпти. Афсуски, отам уларнинг камоли ва бахтини кўра олмадилар. Ҳаёт синовлари ва ташвишлари сабаб футболдан ўзим истамаган ҳолда йироқлашишга мажбур бўлганман. 

- Зафар ака, 1996 йили чемпионлик шохсупасига кўтарилган “Навбаҳор”нинг муваффақияти сири нимада бўлган?

- 1996 йилги мавсумда ҳақиқатан наманганлик мухлисларга ажойиб онларни туҳфа этгандик. Энг катта ютуғимиз - жамоамиздаги аҳиллик эди. Бир-биримизни кўз қарашидаёқ тушунардик. Бу шунчаки, баландпарвоз сўзлар эмас, фикримни қолган жамоадошларим ҳам тасдиқлашади. Бир нарсани айтишим керак, “Навбаҳор”нинг тарихий ютуғида раҳматли Ҳакимжон ака Ҳошимовнинг хизматлари чексиз бўлган. У киши ҳақиқий футбол фидойиси эдилар. Миллионлар ўйини деганда оилаларини ҳам эсдан чиқариб юборардилар. “Навбаҳор” таркибини, умуман, жамоани сақлаб қолиб, уни кучайтиришга айнан Ҳошимжон ака сабабчи бўлгандилар. Бу саъй-ҳаракатлар 1996 йилда натижасини берган. Ўша йили Фарҳод Магометов, Геннадий Денисов каби тажрибали футболчилар жамоага жалб этилганди. Олег Шацких, Тоҳир Мадраҳимов, Абдуқаҳҳор Маъруфалиев, Илҳом Шарипов сингари етакчилар юқори савияда ўйин намойиш этишган. Деярли 40-50 фоиз ўйинчилар терма жамоа шарафини ҳам ҳимоя қилишарди. Ўша йиллари биз учун асосий рақиб “Нефтчи” ҳисобланарди. Водий дербисига қизиқиш жамоалар турнир жадвалининг қайси поғонасини эгаллаб турганлигидан қатъий назар, юқори бўларди. 1996 йилги мавсумда бу икки клуб ўзаро ўйинларда биттадан ғалабага эришган. Намангандаги учрашувда биз 1:0 ҳисобида муваффақият қозонгандик. Фарғонада кечган ўйинда эса “Нефтчи” 2:1 ҳисобида зафар қучганди. Шунга қарамай, чемпионат якунида олтин медаллар бизга насиб этган. 

Ўйлаймизки, Зафар Мусабоев ҳали мураббий сифатида Ўзбекистон, хусусан Наманган футболи ривожига хисса қўшади. Унинг бой тажрибаси албатта ёшларга улашилиши керак. Зафар акани бугунги қўшалоқ байрам билан муборакбод этиб, у кишига соғлик-саломатлик, оилавий бахт, фарзандлар роҳатини кўриб юришларини тилаймиз. 

Рейтинг: +16   

Фикрлар

+6   
01 янв 18:47:10
Badjio
Табриклаймиз узок умр куринг Зафар ака.
Эсимда терма жамоамиз Тожикистон билан уйнаган Душанбеда 4-0 ютказганмиз жовоб уйини Тошкент да 4-0 ютаяпмиз ва Зафар ака 5-чи голни урганди ва кейинги раундга утгандик
+3   
01 янв 21:45:10
туракургон сити
Grafik фойдаланувчининг фикрига жавоб бериш
21 январ куни Илхом Му́иинжоновни хам тугилган кунлари яний шу ойда! Иккала Инсонни хам табриклиман! Му́минжонов хам Навбахорни учинчи у́ринни олишига сабабчи бу́лди!
Вай билят 21 январда тугилган эканларда акахоннингиз,биз качон тугилганларини билолмай хуноб булиб юргандик
+3   
01 янв 18:50:24
Игвогар аслида сенсан
Табриклаймиз, Зафар акани ойлари бахтига сог булсинлар. Илохим кириб келган 2020 йилда яна Навбахорнинг энг шонли даврини куриш насиб этсин илохим, олга Навбахор.
+3   
01 янв 18:46:00
АБДУВАЛИЕВ МУХАММАД
Хакикаттан 96 йили унитилмас булган эди
+2   
01 янв 19:32:47
САРВАР ЧУСТИЙ
Зафар ака Чустлик мухлисларингиз номидан Сизга мустахкам соглик , оилавий бахт тилайман .Доимо сог- саломат булинг!!!
+2   
01 янв 18:45:27
Ўзбеклигим фахрим
Чиндан ҳам олтин давр эди чемпионатимиздаги рақобат ҳам жуда яхши эди Навбаҳор Нефтчи Пахтакор жамоалари жуда ажойиб рақобатлашишарди афсус ҳозирги чемпионатимиз ўша даврни ярмичалик ҳам эмас энг муҳими учта гранд жамоаларимиз бўларди чемпионатимизда.
+1   
01 янв 19:57:20
XO'JA
Zafarning Tojikiston darvozasiga kiritgan ''oltin gol''i hech esdan chiqmaydi. Menda videosi saqlangan.
+1   
01 янв 19:31:43
David Terezege
1996 Йил Андижон Уз майдонида Нефтчини ютсагина Навбахор чемпион булиши керак эди.Андижон Нефчини 2-0 га ютган Голларни Даврон Бобоев ,Кахоаман Абдукодировлар киритганди,Олга Навбахор 2020Йил факат Галабалар кутиб коламиз!!!
+1   
01 янв 19:17:50
Barcamania_2016
Мусабоев билан бир кунда туғилган эканмиз! ) Табриклаймиз!
   
01 янв 23:07:14
Мен узбекман узимга бекман
XO'JA фойдаланувчининг фикрига жавоб бериш
Zafarning Tojikiston darvozasiga kiritgan ''oltin gol''i hech esdan chiqmaydi. Menda videosi saqlangan.
Менга ташаворинг телеграммда 99899 632 0552
   
01 янв 19:29:45
Ўзбеклигим фахрим
Grafik фойдаланувчининг фикрига жавоб бериш
21 январ куни Илхом Му́иинжоновни хам тугилган кунлари яний шу ойда! Иккала Инсонни хам табриклиман! Му́минжонов хам Навбахорни учинчи у́ринни олишига сабабчи бу́лди!
Акангиз ҳам шу ойда туғилган эеанларда. Табриклаб қўйдингизми
-2   
01 янв 19:07:17
Grafik
21 январ куни Илхом Му́иинжоновни хам тугилган кунлари яний шу ойда! Иккала Инсонни хам табриклиман! Му́минжонов хам Навбахорни учинчи у́ринни олишига сабабчи бу́лди!
-3   
01 янв 19:37:28
Navbahor Azik
Grafik фойдаланувчининг фикрига жавоб бериш
21 январ куни Илхом Му́иинжоновни хам тугилган кунлари яний шу ойда! Иккала Инсонни хам табриклиман! Му́минжонов хам Навбахорни учинчи у́ринни олишига сабабчи бу́лди!
Бу йерда илхомни нима дахли бор. Тугилган куни бориб кутингга сиктириб кел
championat.asia
< сўнгги янгиликларни кўриш
Яндекс.Метрика

CA ни Facebook да ўқиш
учун "Yoqdi"ни босинг