"Навбаҳор": Тошкентда “Бухоро” билан ўйнаймиз
15 июл 2016 20:42
Янгиликлар

"Навбаҳор": Тошкентда “Бухоро” билан ўйнаймиз

Теглар : Навбаҳор

"Навбаҳор"нинг Тошкент вилоятининг Бўстонлиқ туманида ташкил этилган йиғини 19 июл куни ниҳоясига етади.

Шундан сўнг футболчиларга қисқа муддатлик дам олиш эълон қилинади. Жамоанинг навбатдаги йиғини эса 21 июль куни Тошкентда бошланади. Пойтахтда олиб бориладиган машғулотлар давомида “Навбаҳор” иккита назорат ўйинида майдонга тушади. Дастлабки ўйин 23 июль куни “Бухоро” жамоасига қарши ўтказилади. Иккинчи учрашувни ўтказиш санаси эса 27 июлга белгиланган. Айни пайтда шу куни жамоамизга рақиб бўладиган клуб номига ойдинлик киритилганича йўқ. Бу ҳақда кейинроқ хабар бериб ўтамиз. Иккинчи давра бошлангунга қадар мураббийлар машғулотларда қатнашаётган футболчилардан икки таркиб ҳосил қилиб, икки тарафламали ўйин ўтказишни ҳам режалаштиришган.

Бугунги кунда кўпчиликни таркибга янги футболчилар қўшиладими деган савол қизиқтирмоқда. Бу борада бош мураббий Равшан Бозоров қуйидагиларни билдириб ўтди: Ҳозирда футболчилар билан музокаралар олиб борилмоқда. Келишувга эришилган ўйинчилар Тошкентда ташкил этиладиган йиғинда сафимизга қўшилишлари мумкин. Режага кўра жамоага уч нафар янги футболчини қўшиб олишни режалаштирганмиз. “Норин”дан таклиф этилган ўйинчилар орасидан бирига жавоб беришимиз ҳам мумкин. Бу таркибга келиб қўшиладиган янги футболчиларни ким бўлишига боғлиқ. Давралар оралиғида сафимизга қўшилган ҳужумчи Абдумалик Абдуллаевни “Навбаҳор”да қолиши деярли ҳал этилди.

Ҳавола :

Манба : championat.asia

Янгиликларни Телеграмда ўқинг!

Рейтинг: +3