"Навбаҳор" Тожикистоннинг "Истиқлол" клуби билан дуранг ўйнади

Учрашувнинг 27-дақиқада Игорь Голбаннинг чап қанотдан жарима майдончаси ичига оширган тўпини Диёр Туропов дарвозага аниқ йўллаб, ҳисобни очди – 1:0. Орадан 2 дақиқа ўтар-ўтмас, душанбеликларнинг қарши ҳужуми вақтида Ўткир Юсупов рақиб футболчига нисбатан қўполлик ишлатди. Натижада учрашув бош ҳаками Иброҳим Исмоилов "Навбаҳор" дарвозасига 11 метрли жарима зарбаси белгилади. Пенальтини "Истиқлол" сардори Манучеҳр Жалилов аниқ амалга ошириб, ҳисобни тенглаштирди – 1:1. Шундан сўнг ўйинда ҳисоб ўзгармади.

"Навбаҳор" - "Истиқлол" - 1:1.

Голлар: Диёржон Туропов (27) - Манучеҳр Жалилов (29-пен.)