"Навбаҳор": Сўнгги йиғин бошланди

Жамоамизга вақтинчалик қароргоҳ вазифасини Ўзбекистон мудофаа вазирлигига қарашли бўлган меҳмонхона ўтаб беради. Машғулотлар ҳам шу ернинг ўзида жойлашган спорт иншоотларида бўлиб ўтади. Бундан бироз вақт олдин футболчиларимиз дастлабки машғулотни якунига етказишди. Таркибдаги янгиликлар хусусида гап кетганида, сафга аввал хабар берганимиздек Ислом Исоқжонов қўшилди. Бундан ташқари жароҳат сабабли анча вақтдан бери майдонга туша олмаётган ҳимоячи Азиз Ғуломхўжаев ҳам машғулотларга қўшилди. Дастлабки йиғинда қатнаша олмаган тажрибали посбон Александр Корнийчук ҳам айни пайтда жамоамиз билан бирга. Кечки пайт жамоамиз аъзолари бугунги кунга режалаштирилган иккинчи машғулотни ўтказишади.