"Навбаҳор": Мактубингизни олдик

 Хусусан Камрон исмли ўқувчимиз биринчи давранинг сўнгги уч учрашувида жамоамиз сафида 77-рақам остида ҳаракат қилган Муҳаммад Расулов ҳақида маълумот беришни сўраб мурожаат қилган. Аслини олганда Расулов мавсум бошида “Навбаҳор”да Муҳаммад Абдуллаев номи билан рўйхатдан ўтган. Биринчи давра ўрталарига келиб эса жамоамиз аъзоси фамилиясини Расулов деб ўзгартирди. Бу иш билан шуғулланадиган ташкилотлардан тегишли хужжатлар тақдим қилингач, Абдуллаев Расулов деб қайтадан рўйхатдан ўтганди. Шу сабабли, чемпионат бошида эълон қилинган таркибдаги Муҳаммад Абдуллаевга тегишли бўлган маълумотлари эндиликда Муҳаммад Расуловга тегишли ҳисобланади.

 Музаффар исмли мухлисимиз эса ўз таклифларини баён этганлар. Яъни ушбу ўқувчимиз ҳар йили анъанавий тарзда “Навбаҳор кубоги” мусобақасини ўтказиш таклифини ўртага ташлаган. Турнирда вилоятнинг барча туманларидан келадиган жамоаларини иштирок этиши ва уларга “Навбаҳор”нинг собиқ футболчиларини устозлик қилиши ҳам мақсадга мувофиқ эканлиги эътироф этилган. Музаффар айнан шу йўл орқали иқтидорларни кашф этиш мумкинлигини ҳам билдирган.

Ушбу таклифни клуб раҳбарияти билан ўрганиб чиқиб, имконият даражасида амалга оширишга ҳаракат қилиб кўрамиз.
 
Мухлисларимизнинг ана шу мазмундаги таклифлари “Навбаҳор” учун муҳим эканлигини ҳам эътироф этиш ўринли. Шу сабабдан келгусида ҳам жамоамиз ишқибозларидан шундай таклифларни кутиб қоламиз.