UZ

Сўнгги янгиликлар

07:09Неъматилло Қуттибоев: "Арислан Юсупбаев ва Аъзамжон Алиевларда жароҳат бор"  0 02:47Португалия — УЕФА Миллатлар лигаси соҳиби! Португаллар финалда испанларни пенальтилар серияси орқали мағлуб этишди  147 00:51Забарний "Борнмут"га ПСЖга ўтмоқчи эканини айтди, ҳимоячи учун 70 млн евро талаб қилишмоқда  1 00:25"Манчестер Сити"нинг 70 млн евролик бўлажак трансфери тиббий кўрикдан ўтди  2 23:50Жоб Беллингемнинг янги клуби маълум  0 23:22"Байер" Вирцни 140 млн евро эвазига "Ливерпуль"га сотадими?  2 22:35Қатар терма жамоаси Тошкентга етиб келди  6 22:15Ўртоқлик ўйини. Ўзбекистон ва Россиянинг 21 ёшгача бўлган жамоалари ўртасидаги ўйинда 9 та гол урилди  44 22:10Ўзбекистон кубоги. "Динамо" 1/8 финалнинг илк ўйинида "Лочин"ни тор-мор этди  13 21:43Ўзбекистон терма жамоасининг бугунги машғулотидан ФОТОГАЛЕРЕЯ  0 21:34Аарон Ремзи фаолиятини Мексикада давом эттиради  1 21:10Абдулла Абдуллаев: "Энди янада юқори мақсадлар қўйиб, мундиалда яхши натижалар қайд этишга ҳаракат қиламиз"  11 20:44Ўзбекистон U-16 назорат ўйинида Россия U-16га йирик ҳисобда мағлуб бўлди  18 20:24Одил Ҳамробеков: "Нималар қилиб қўйганимизни тўлиқ ҳис қила олмаяпман"  14 20:00УЕФА Миллатлар лигаси. Франция учинчи ўрин учун баҳсда Германияни мағлубиятга учратди  29

"Навбаҳор", "Локомотив" ва "Металлург"нинг ғалабасиз серияси қачон тугайди? — Суперлиганинг 15-тури ҳақида Янгиликлар

"Навбаҳор", "Локомотив" ва "Металлург"нинг ғалабасиз серияси қачон тугайди? — Суперлиганинг 15-тури ҳақида

Кечаги учрашувлар билан Суперлиганинг 15-тур беллашувларига якун ясалди.

Биз эса турнинг қизиқали маълумотлари, фактлари билан ўртоқлашамиз. 

- Суннатилла Абдуллажонов "Олимпик" сафида майдонга тушган энг ёши катта футболчига айланди. Бунга қадар "Олимпик" сафида 2001 йилдан олдин туғилган футболчилар умуман майдонга тушмаган эди.

- Жасур Ҳакимов "Локомотив" таркибидаги дебют голини урди.  Шу тариқа, 30 ёшли футболчи Ўзбекистон чемпионатида 9 та турли клуб таркибида гол уришга эришди. 

- Жамоалар тарихидаги барча 4 та ўйинда ҳам дарвозаларга гол урилди. 

- "Локомотив"нинг Суперлигадаги ғалабасиз серияси 12 та ўйинга етди. 

- "Динамо" 2017 йилдан буён меҳмонда "Нефтчи"ни мағлуб эта олаётгани йўқ. 

- Манучеҳр Сафаров жорий мавсум Суперлигада илк бор рақиб дарвозасини ишғол қилди. 

- "Металлург" ҳимоячиси Азизбек Пирмуҳаммедов Суперлигада дебют голини урди.

- "Бунёдкор" ҳимоячиси Бобурбек Йўлдошев 995 кундан сўнг Суперлигада гол урди.

- "Сўғдиёна" ҳимоячиси Исломжон Қобилов 1194 кундан сўнг Суперлигада гол урди. 

- "Насаф" ярим ҳимоячиси Жавоҳир Сидиқов кетма-кет 9-йил (ўзи майдонга тушган барча йилларда) Суперлигада гол урди.

- "Пахтакор" Максим Шацких бошчилигида "Насаф"ни мағлубиятга учрата олаётгани йўқ. "Шерлар" сўнгги маротаба 2021 йил Питер Хюистра мураббийлиги даврида рақибидан устун келган. 

- "Бунёдкор" ўз майдонида "Андижон"га мағлубиятга учрамаслик сериясини давом эттирди, 14 ўйин, 13 ғалаба, 1 дуранг. "Бургутлар" Тошкентдаги ягона очкосини 2012 йил қўлга киритган. 

- "Андижон" бу мавсумда сафардаги биринчи мағлубиятини "Бунёдкор"дан қабул қилиб олди. 

- Сергей Лушчан ўзи бошқарган жамоаларда Миржалол Қосимов жамоаларини ютишни уддасидан чиқа олмаяпти, 4 ўйин 4 мағлубият. 

- ОКМКнинг албаниялик ҳужумчиси Клейди Дацидан ажойиб юриш, у 2 та учрашувда рақиб дарвозасига 3 бор йўл топди. 

- Олмалиқликларнинг хорватиялик легионери Михаел Клепац Суперлигадаги дебют голига муаллифлик қилди. 

- Миржалол Қосимов шогирдлари ўз майдонидаги сўнгги 4 та учрашувда 4 та ғалабани қўлга киритди. 

- "Лочинлар" Суперлигада кетма-кет 7 ўйинда майдонни 3 очкосиз тарк этди. 

- "Металлург" элитада ғалаба қозонмаган ягона жамоа бўлиб турибди. 

- "Насаф" ва "Навбаҳор" бу мавсум ўз майдонида ҳали мағлубиятга учрагани йўқ. 

- "Бунёдкор" жорий йил ҳисобидан сафарда ҳали ютуқни ўзиники қилмади. 

Муаллиф : Iskandarov Abdulaziz
Рейтинг: +2   

Фикрлар

championat.asia
< сўнгги янгиликларни кўриш
Яндекс.Метрика