"Навбаҳор" Голбан билан хайрлашганини эълон қилди

Бу ҳақида клуб матбуот хизмати хабар берди.

Голбан “Навбаҳор” таркибига 2018 йилнинг 2-даврасида қўшилиб, 2023 йил якунига қадар ўйнади. “Лочинлар” таркибидаги 5,5 йиллик фаолияти давомида тажрибали футболчи Суперлига баҳсларида жами 134 та учрашувда майдонга тушиб, 8 та гол уриб, 3 та голга ассистентлик қилди. Шунингдек, “Навбаҳор”даги ёрқин ўйинлари орқали Ўзбекистон миллий терма жамоасига чақирилди.

Ўтган мавсумда Игорь Голбан "Навбаҳор" иштирокидаги барча беллашувлар, яъни, 39 та ўйинда майдонга тушиб, 3 та гол уриб,  1 та “пас” берди. 

“Навбаҳор”нинг сўнгги йиллардаги муваффақиятларига тажрибали ҳимоячи муносиб ҳисса қўшди.   

Биз Игорь Голбанга “Навбаҳор”даги фаолияти учун клубимиз ва мухлислар номидан миннатдорчилик билдириб, янги жамоасида омад ёр бўлишини тилаймиз, дейилади клуб матбуот хизмати хабарида.

Голбан фаолиятини "Насаф"да давом эттиради.