"Навбаҳор" билан ўйиндан кейин Улуғбек Бақоев нималар деди?

"Бугун иккита тенг кучли жамоалар ўзаро ўйнашди. Биринчи таймда бир нечта вазиятлар яратдик, рақиб посбони яхши ҳаракат қилди. Иккинчи таймда бироз пала-партиш ўйин кечди. Иккала томонга ҳам ҳужумлар бўлди. Йигитларни ғалаба билан табрикламоқчиман. Кейинги ўйинларга тайёргарлик кўрамиз", - дейди Улуғбек Бақоев.

- Ўйин давомида ҳакамларга кўп эътироз билдирдингиз. Учрашувда баҳсли вазият ҳам бўлди. Бугунги ҳакамликка қандай баҳо берасиз?
- Ўша вазиятда биз ўзгаришни амалга оширишга тайёр эдик. Бироқ Насимовнинг тушиши 5 дақиқага чўзилиб кетди. Тушунишимча электрон табло ишламай қолганди. Қаҳрамоновнинг вазиятида эса у қадар кескин нарса бўлди деб ўйламайман.

- Милан Митрович сўнгги ўйинларда кўринмай қолди...
- У коронавирус юқтириб олганди. Касалликдан тузалди ва кейинги баҳсга тайёр бўлади.

- Эшитишимизга қараганда Митрович Сербияга учиб кетган экан.
- Ҳа, у Сербияга учиб кетганди. Ўша ерда касаллик аниқланди ва даволаниб юртимизга қайтиб келди.