“Насаф” журналистларга эҳтиром кўрсатди

“Насаф” профессионал футбол клуби юртимиз ОАВлари ходимларини касб байрами билан муборакбод этади.

Байрам арафасида “Насаф” ПФК раҳбарияти томонидан клубимиз фаолиятини оммавий ахборот воситалари – ТВ, радио, босма ва интернет нашрларида ёритишда фаоллик кўрсатаётган бир гуруҳ журналистларга қимматбаҳо эсдалик совғалар топширилди.

Клуб бош менежери Шамил Ярулин журналистларни табриклаб,  бундан кейин ҳам “Насаф” жамоаси  билан ҳамкорлик самарали давом этишига тилак билдирди.

Бугунги жамиятимизни оммавий ахборот воситаларисиз тасаввур қилиб бўлмайди. Шу сабабдан ҳозирги шароитда оммавий ахборот воситалари олдига ҳаётни тўлақонли акс эттиришдек ниҳоятда муҳим вазифа қўйилган.  Ана шу муҳим вазифаларни амалга оширишда Сиз журналистларга куч-қудрат, мустҳакам соғлик  тилаймиз. Холислик ва ҳаққонийлик йўлида ҳормай толмай меҳнат қилишингизга тилакдошмиз.  Яна бир бор байрамингиз муборак бўлсин!