"Насаф": Ёш тарбияланувчиларга дипломлар топширилди

Тадбир аваалида “Насаф” ПФК президенти Одил Темиров, Германия футбол федерацияси ва Германия  Олимпия қўмитасининг аёллар футболи бўйича йўриқчиси Моника Штаб сўзги чиқишиб, “Насаф” футбол академиясининг  футболимиз ривожига қўшаётган ҳиссаси ҳақида тўхталиб ўтишди.

Шундан сўнг футбол мактабини тугатган 25 нафар битирувчиларга диплом ва медаллар топширилди.

Дарҳақиқиқат, жорий йилда футбол мактабининг 1999 йилда туғилган жамоаси иккинчи лига баҳсларида чемпионлик ва вилоят кубогини қўлга киритиш билан бирга тайёрлов гуруҳлари ўртасида ўтказилган мамлакат биринчилигида кумуш медалларга эга чиқишди. Жамоа дарвозабони Умиджон Эргашев аллақачон “Насаф” жамоаси асосий таркибида машғулотлар олиб бораётган бўлса, Ислом Кенжабоев ўринбосарлар таркибида мунтазам майдонга тушиб келмоқда.
 
Тадбирда “Насаф” ПФК бош менежери Шамил Ярулин, жамоа спорт директори Виталий Ни, бош мураббий Рўзиқул Бердиев, футбол мактаби директори Сергей Кучеренко сўзга чиқишиб, ёш футболчиларнинг кейинги фаолиятига омадлар тилашди.