"Насаф" раҳбарияти хорижга қўйиб юбормаганди" — Шерзод Аъзамов
23 июл 2022 13:21
Янгиликлар

"Насаф" раҳбарияти хорижга қўйиб юбормаганди" — Шерзод Аъзамов

Тошкентнинг "Пахтакор" клубида тўп тепаётган тажрибали ҳимоячи Championat.asia меҳмони бўлди.

Ундан 2017 йилда чет элдан яхши таклифлари бўлса ҳам, нега "Насаф"да қолгани ҳақида сўрадик. Футболчининг жавоби шундай бўлди:

"Шартнома имзолаётганимизда клуб раҳбарияти хориждан таклифлар бўлса, қўйиб юборишга ваъда берган. Лекин мен учун пул таклиф қилинганда директорлар гапида турмаган. Агентларим трансфер амалга ошиши учун анча ҳаракат қилишганди. "Насаф"да молиявий муаммолар пайдо бўлганидан кейин ҳуқуқимни "Пахтакор"га сотиб юборишди. Шу туфайли хорижга кетмасам ҳам, ҳеч нарса ютқазмадим".

Маълумот учун, Шерзод Аъзамов "Насаф" либосида (2009-2017 йиллар) 150 учрашувда майдонга чиқиб, 6 та гол урган. У "аждарлар" билан ОФК кубоги, Ўзбекистон кубоги ва суперкубогини ютган. Чемпионатда эса 1 марта кумуш, 6 бор бронза медалга эга чиққан.

Ҳавола :

Манба : championat.asia

Янгиликларни Телеграмда ўқинг!

Рейтинг: +8