Шерзод Аъзамов: "Насаф"да яхши номлар борлиги ғалаба дегани эмас. Бугунги ўйинда фаворит йўқ"

Айнан бугун қўлга киритилган очко чемпионлик пойгасига таъсирини ўтказади. "Пахтакор" - "Насаф" қарама-қаршилиги сўнгги 3 мавсумдан бери чемпионат безагига айланиб бормоқда. Қизиқарли ўтиши кутилаётган ўйин олдидан барчада турли фикрлар, тахминлар борлиги аниқ. Шу паллада биз икки жамоа таркибида энг яхши ўйинларини ўтказган Шерзод Аъзамовнинг фикрлари билан қизиқдик. 

Пахтакор

Суперлига. 2-тур 08/03/2024, 17:15 0 : 0 Тугади

Насаф

45'

90'

38'  Беҳруз Асқаров

75'  Пўлатхўжа Холдорхонов ()

90'  Диёрбек Ортиқбоев

53'  Шуҳрат Муҳаммадиев (Алибек Давронов)

53'  Зафармурод Абдураҳматов (Марко Станоевич)

53'  Виктор Да Сильва (Бобир Абдихолиқов)

68'  Бобир Абдихолиқов

74'  Жамбули Жигаури (Ойбек Бозоров)

74'  Зоран Марушич (Темур Чогадзе)

89'  Игорь Голбан

Матч-центрда очиш

"2-турлигини ҳисобга олганда жисмоний тарафдан "Насаф" яхшироқ ҳолатда бўлиши мумкин, чунки улар рақибига нисбатан кўпроқ расмий ўйинда майдонга тушишди. Лекин унутмаслик керакки, "Пахтакор" ҳозирги мураббий қўл остида ҳар доим жисмоний тайёргарликка урғу беради. 

Таркибларга келсак, "Пахтакор" деярли ҳеч кимни таклиф қилмади. "Насаф"да кўп футболчилар келиб қўшилди. Асосий футболчилар жароҳат олган. Шунинг учун янги футболчилар балки катта роль ўйнаши мумкин. "Пахтакор" ўз уйида ўйнаши асосий устунлиги ҳисобланса, "Насаф"нинг кучли тарафи қарши ҳужумга тез ўтишида. 

Яна бир жиҳатга тўхталишим керакки, биринчи турдаги ўйинлар ҳеч нарсани англатмайди. Жамоа ютқазган тақдирда ҳам ҳеч нарса йўқотмайди. Ўйинда фаворит йўқ. Ном жиҳатдан "Насаф"да яхши ижрочилар бор. Бу ғалаба дегани эмас. "Пахтакор" ўз уйида тўп тепади",- дейди Шерзод Аъзамов.