“Насаф” жорий мавсумда илк марта “Марказий” стадионда машғулот ўтказди

“Насаф” ушбу стадионда  сўнгги марта 2016 йил 22 октябрь куни Олий лиганинг 26-тури доирасида “Навбаҳор”га қарши ўтказган эди. Янги мавсумда жамоа ўўз майдонидаги барча рақибларини Ғузор шаҳридаги “Ғузор” марказий стадионида қабул қилаётганди.

Орадан салкам саккиз ой ўтиб, “Марказий” стадионнинг янги  майдони ўйинга тайёр бўлди. Жамоа футболчилари бу йил ҳисобидан илк марта “Марказий”да машғулот ўтказишди.

Бироқ,стадионда “Насаф”нинг уй учрашувлари кейинроқ бошланади. Чунки, стадионда охирги реконструкция ишлари давом этмоқда. Бу жараён тугалланиш арафасида.

Клуб ишқибозлари учун яна бир янгилик: жамоа30 июн куни “Қўқон-1912” жамоасига қарши Ўзбекистон кубоги чорак финал  дастлабки учрашувин“Марказий”да ўтказиши мумкин.

Энди бевосита машғулотларга тўхталадиган бўлсак, миллий терма жамоага  жалб этилган футболчилар ҳамда легионерлардан ташқари барча ўйинчилар машғулотда иштирок этишди. Легионер футболчилар эса эртадан машғулотларга киришади.

Машғулотлар олдидан стадионга клуб президенти -Шўртан газ кимё мажмуаси  директори Одил Темиров ҳам ташриф буюриб, мураббий ва футболчилар билан дилдан суҳбатлашди.

Бу учрашувдан барча футболчиларнинг кайфияти ҳам кўтарилди. Машғулотлар кўтаринки руҳда ўтди.