"Насаф": Футболчиларимиз терма жамоага чақирилди
11 июл 2016 17:44
Янгиликлар

"Насаф": Футболчиларимиз терма жамоага чақирилди

Теглар : Насаф

Хабарингиз бор, шу йилнинг 13-30 октябрь кунлари Баҳрайнда U-20 терма жамоалар ўртасида Осиё чемпионати бўлиб ўтади.

Қитъа биринчилигидан ярим финалга чиққан тўрт жамоа 2017 йил Жанубий Кореяда бўлиб ўтадиган U-20 Жаҳон чемпионатида қатнашади.

Жасур Абдураимов бошчилик қилаётган мазкур ёшдаги терма жамоамиз Осиё чемпионатига тайёргарлик юзасидан навбатдаги ўқув йиғин машғулотларини ўтказишади. Йиғининг дастлабки қисми 13-17 июл кунлари Тошкентда бўлиб ўтса, навбатдаги қисми 17-24 июл кунлари Сингапурда ўтказилиши режалаштирилган.

Ушбу терма жамоага жамоамиз асосий таркибидан 4 нафар футболчи таклиф этилган. Булар, Бобур Абдухолиқов, Азиз Ғаниев, Шароф Муҳитдинов ва Умид Эргашевлардир.

Ушбу футболчилар 25 июл куни яна клубимиз ихтиёрига қайтиб келишади.

Ҳавола :

Манба : fcnasaf.uz

Янгиликларни Телеграмда ўқинг!

Рейтинг: +2