“Насаф” футбол клуби вакиллари интернат мактабига ташриф буюришди

Бугунги болалар байрами куни муносабати билан “Насаф” ПФК раҳбариятининг ташаббусига биноан Қарши шаҳридаги кўзи ожиз болалар интернат мактаби тарбияланувчилари ҳолидан хабар олинди. Ушбу интернат мактаби билан “Насаф” клуби ўртасида доимий алоқа ўрнатилган бўлиб, интернат тарбияланувчилари учун “Марказий” стадионга экскурсиялар, “Насаф” футбол мактабига ташрифлар уюштирилиб турилади. Байрамларда эса улар ҳолидан хабар олинади.
 
Бугун ҳам шундай бўлди. Бир гуруҳ “Насаф” ПФК ходимлари халқаро болаларни ҳимоя қилиш куни муносабати билан яна интернатга ташриф буюришди. У ерда тарбия олаётган болалар билан қизғин суҳбат уюштирилди ва уларга клуб томонидан тайёрланган совға-саломлар топиширилди.
 
Бу ташрифдан интернатдаги болалар ҳам тарбиячилар ҳам хурсанд бўлишди ва ўз миннатдорчиликларини билдиришди.