"Насаф" Анталияда саккизта ўйин ўтказади
19 янв 2023 17:48
Янгиликлар

"Насаф" Анталияда саккизта ўйин ўтказади

Суперлига клублари янги мавсумга тайёргарлик жараёнини давом эттиришмоқда.

Январь ойидаги йиғинини Қаршида бошлаган "Насаф" 27 январь куни Туркиянинг Анталия шаҳрига учиб кетади. Туркиядаги тайёргарлик 15 февралгача давом этади.

ОЧЛга тайёрланаётган қаршиликлар Анталияда 8 та назорат учрашувида майдонга тушишади. "Аждарлар"нинг Туркиядаги рақиблари "Дечич" (Черногория), "Полисся" (Украина), "Брук-Бет Термалика" (Польша), "Львов" (Украина), "Дила" (Грузия), "Кедаҳ Дарул Аман" (Малайзия), "Минай" (Украина), "Ордабаси" (Қозоғистон) жамоалари бўлади.