Набил Жаади: "Ўзбекистонга қарши ўйин қийин бўлишини билардик"

"Ўзбекистонга қарши ўйин қийин бўлишини билган эдик. Чунки Ўзбекистон Панама устидан шунчаки кучли бўлганлиги учун эмас, ўйини ҳам чиққанлиги боис ғалаба қозонган эди. Айнан ўзбеклар билан биринчи ўрин учун курашадиган бўлдик. Хатони ўзимиздан қидиришимиз керак, чунки биринчи бўлимда яратилган вазиятлардан фойдалана олмадик. Улардан голга тортадиганлари кўп бўлди. Кўриниб турибди, Ўзбекистон терма жамоаси бизни яхши ўрганган. Қолаверса улар биз учун янги рақиб ва Осиё чемпионлари. Иккинчи бўлимда эса ўйин тенг бўлди, табиийки тенг ўйинда ҳисоб ҳам тенг бўлади", - дейди Марокаш ўсмирлар терма жамоаси сардори Набил Жаади championat.asia сайтига берган интервьюсида.


Хайрулла Холиқов
Фужайра