«МЮ» 31 ёшли англиялик ҳимоячи билан шартномани узайтирмасликка қарор қилган. Шу тариқа, Жонс эркин агентга айланади.
Фил Манчестер клубига Алекс Фергюсон даврида таклиф этилган бўлиб, 2011 йилдан асосий жамоада фаолият бошлаганди. У ўтган вақт давомида клуб билан 6та соврин ютган, жумладан АПЛ ва Европа лигасида ғолиблигини қўлга киритган.
Фил Жонс жорий мавсум жамоа сафида бирорта ҳам ўйин ўтказмади. У сўнгги марта 2022 йилнинг май ойида майдонга тушган эди.
Маълумот учун, Фил «МЮ» сафида жами 229 ўйинда майдонга тушиб, 6та гол ва 10та ассистга муаллифлик қилган.
