МЮ футболчиси тхэквондочилар билан машғулот ўтказмоқда
09 фев 2020 10:01
Янгиликлар

МЮ футболчиси тхэквондочилар билан машғулот ўтказмоқда

Хитойнинг “Шанхай Шеньхуа” клубидан “Манчестер Юнайтед”га кўчиб ўтган нигериялик ҳужумчи Одион Игало спорт формасини бир маромда ушлаб туриш мақсадида Буюк Британия тхэквандо терма жамоаси билан машғулот ўтказмоқда.

Тхэквандочилар 2020 йилда ўтказиладиган Олимпиада ўйинларига ҳозирлик кўришмоқда. Жисмоний тайёргарлик бўйича мураббийи Уэйн Ричардсон 30 ёшли футболчининг ҳаракатларини юқори баҳолади.

“У ўзининг ҳар қандай вазиятга тайёрлиги, тезкор қарорлар қабул қилиш орқали мени ҳайратга солди. Бундай хислатлар камдан-кам спортчиларда бўлади”, дейди Ричардсон.

Одион Игало фаолияти давомида “Люн” (Норвегия), “Удинезе”, “Лечче” (Италия), “Гранада” (Испания), “Уотфорд” (Англия) жамоаларида тўп тепган. Футболчи 2019 йилнинг 1 декабридан бошлаб ҳозиргача бирорта расмий ўйинда иштирок этгани йўқ.

Ҳавола :

Манба : The Telegraph

Янгиликларни Телеграмда ўқинг!

Рейтинг: +7