МЮ “Атлетико” ва “Милан”нинг таклифини рад этди
30 авг 2018 08:25
Янгиликлар

МЮ “Атлетико” ва “Милан”нинг таклифини рад этди

МЮ ҳужумчиси Антони Марсьяль кейинги фаолиятини Испания ёки Италияда давом эттириши мумкин.

Хабарларга кўра, “Атлетико” ва “Милан” ушбу ҳужумчини қўлга киритиш мақсадида МЮ раҳбариятига аниқ таклифларни жўнатишган. Аммо ҳозирча уларга инглизлар рад жавобини беришган. ОАВда тарқатилган хабарларга кўра, Марсьяльнинг ўзи ҳам жамоа бош мураббийи Жозе Моуриньо билан зиддиятга боргани учун клубдан кетиш ниятида.

Илгарироқ Марсьяль клуб билан шартномасини узайтириши мумкинлиги ҳақида хабарлар тарқатилганди. 22 ёшли ҳужумчи клубда қолиб, боши узра қора булутлар айланаётган Моуриньо жамоадан кетса, яна майдонга тушишига умид қилаётгани ҳақида айтилганди.

Ҳавола :

Манба : Football Espana

Янгиликларни Телеграмда ўқинг!

Рейтинг: +3