Музаффар Музаффаров: “Мағлубият билан ғалаба ҳамиша ёнма-ён юради”
23 окт 2016 11:18
Янгиликлар

Музаффар Музаффаров: “Мағлубият билан ғалаба ҳамиша ёнма-ён юради”

Тошкентнинг “Пахтакор” клуби ўз уйида Жиззахнинг “Сўғдиёна” жамоасини қабул қилиб йирик (3:0) ҳисобида ғалаба қозонди.

Учрашувдан сўнг меҳмонлар футболчиси Музаффар Музаффаров ўз фикрларини билдирди.

“Ушбу баҳсга жиддий тайёргарлик кўргандик. “Пахтакор” кучли жамоа ҳисобланади. Рақибларимиз ўз уйида ҳаракат қилди. Бундан аввалги 2та турда ғалаба қозонган эдик. Бу сафар эса мағлуб бўлдик. Ҳимояда йўл қўйган хатоларимиз туфайли ўз дарвозамиздан 3та тўп олиб чиқдик. Бизда ҳам голга тортадиган бир қатор вазиятлар бўлди. Агарда шулардан унумли фойдаланганимизда бошқача ўйин бўларди.

Учрашувда Жалолиддин Машарипов кўп нарсани ҳал қилди, деб ўйлайман Мағлубият билан ғалаба ҳамиша ёнма-ён юради. Кейинги турда уйимизда “Қўқон-1912” жамоасини қабул қиламиз. Айтишади-ку, “уйда деворлар ҳам ёрдам беради”, деб. Насиб қилса ғалаба қозонамиз”, - дейди “Сўғдиёна” жамоаси футболчиси Музаффар Музаффаров.

Жаҳонгир Сотволдиев

Ҳавола :

Манба : championat.asia

Янгиликларни Телеграмда ўқинг!

Рейтинг: +2