UZ

Сўнгги янгиликлар

00:06Ўртоқлик ўйини. Боливия U-17 - Ўзбекистон U-17 0:0 (онлайн ҳисоб)  2 23:59Клублар ўртасидаги ЖЧ. 40 дақиқа тўхтаб қолган ўйин якунига етди  0 23:34Акмал Рустамов: "Ёшларга ишонч билдиряпмиз"  0 23:22Максим Шацких: "Легионерлар нега кетишди? Улар менинг олдимга келишди, шунчаки жамоада ўйнамаслигини айтишди"  6 23:09КЖЧ. "Пальмейрас" - "Ал Аҳли" учрашуви тўхтатилди. Нега?  7 22:42Ҳаким Фузайлов: "Сўнгги ўйинимизни 3 кун олдин ўтказгандик, йигитларда чарчоқ аломатлари сезилди"  1 22:18"Рома" клубга "янги" спорт директори тайинланганини эълон қилди  1 22:00Суперлига. "Сўғдиёна" муҳим учрашувда "Хоразм"ни мағлуб этди  10 21:59Суперлига. "Андижон" ва "Қизилқум" "Бобур Арена"да муроса кўчасини танлади  50 21:18АПЛ "Манчестер Сити"ни жазолади  4 20:53"Рома"да бош мураббий ўзгарди. Рим клубидаги энг яхши мавсумини ўтказган Шомуродовнинг тақдири қандай кечади?  6 20:34"Барселона" бразилиялик ҳимоячи учун 30 млн евро таклиф этади  6 19:50"Манчестер Юнайтед" мухлислари чипталар нархи кескин ошганидан норози  1 19:27Мартинес МЮга ўтишга рози  2 18:44"Реал" Мбаппе касалхонага ётқизилгани ҳақида хабар берди  5

Мурод Холмуҳаммедов 29 ёшга тўлди Янгиликлар

Мурод Холмуҳаммедов 29 ёшга тўлди

Бугун “Қўқон-1912” жамоасининг етакчи ўйинчиларидан бири, жамоа сардори Мурод Холмуҳаммедовнинг туғилган куни.

Қўқонлик мухлисларининг ёқимтойи, жамоа юраги саналган ушбу футболчи бугун ўзининг 29 ёшини қарши олмоқда.

Шу муносабат билан “Қўқон-1912” жамоаси раҳбарияти, мураббийлар штаби, футболчилар ва “Марказий” стадион ходимлари номидан Мурод Холмуҳаммедовни чин юракдан табриклаймиз. Унга сиҳат-саломатлик, футболчилик фаолиятида омад тилаб қоламиз.

Сўнгги йилларда ушбу футболчи ўзининг ёрқин ўйинлари билан мухлислар меҳрини қозониб келмоқда. Муроджон тўпурарлик борасида ҳам бошқаларга ўрнак бўлаётганини эътироф этиш жоиз. Келаётган мавсумда ҳам Мурод Холмуҳаммедовга омад тилаймиз.

Мурод Холмуҳаммедов "Қўқон-1912" жамоасининг сардори, жамоанинг юраги, мухлисларнинг энг севимли футболчиси ... Бундай таърифларни яна кўплаб давом эттиришимиз мумкин. Бундан ташқари Муроджон жамоанинг штатли пенальти тепувчи футболчиси ҳисобланади. Холмуҳаммедов "Қўқон-1912" жамоаси сафига қўшилганидан бери чемпионат ва Ўзбекистон кубоги ўйинларида ҳали бирор марта пенальти тепишда хатога йўл қўймаган. У "нуқта"га яқинлашганда ҳар қандай дарвозабоннинг оёқлари қалтирайди. Холмуҳаммедов пенальтиларни ўта совуққонлик ҳамда юксак маҳорат билан ижро этади. Муроджон ижросидаги жарима зарбалари эса рақиблар учун доимо жиддий хавф туғдириб келади. Унинг жаримадан киритган суперголлари ҳали узоқ йиллар мухлислар ёдидан кўтарилмайди. Муроджон ўзининг аниқ ва қулай паслари билан ҳужумчиларнинг кўплаб голларига хаммуаллифлик қилиб келади. Холмуҳаммедов 2018 йилги мавсумда 11 та гол, 2019 йилги мавсумда эса 8 та гол уриб жамоасининг энг яхши тўпурар футболчиси бўлиб турибди. Ваҳоланки Холмуҳаммедов ҳимоячи ҳисобланади.

Келаётган янги футбол мавсумида ҳам Мурод Холмуҳаммедов мухлисларга чиройли голлар туҳфа қилишига ишонамиз. Яқинда мухлислар орасида ўтказган сўровнома якунларига кўра Мурод Холмуҳаммедов "Қўқон-1912" жамоасининг 2019 йилдаги энг яхши футболчиси деб топилди.

Туғилган кун муборак бўлсин, Муроджон!

"Қўқон-1912" матбуот хизмати

Рейтинг: +11   

Фикрлар

championat.asia
< сўнгги янгиликларни кўриш
Яндекс.Метрика