Мурод Отажонов: "Кейинги учрашувларда янада чиройлироқ ўйин кўрсатамиз"
04 мар 2023 16:50
Янгиликлар

Мурод Отажонов: "Кейинги учрашувларда янада чиройлироқ ўйин кўрсатамиз"

Coca Cola Суперлигаси 1-туридан жой эгаллаган "Сўғдиёна" – "Бунёдкор" (0:1) беллашувидан сўнг "қалдирғочлар" бош мураббийи Мурод Отажонов фикрларини билдирди.

"Аввало, чемпионат старти билан ҳаммани табриклайман! Биринчи ўйин бўлгани боис ҳаяжон сезилди. Йигитлар ўйинга киришиб кета олишмади. Ўйлайманки, кейинги учрашувларда янада чиройлироқ ўйин кўрсатиб, ғалабаларга эришамиз.

"Сўғдиёна" жамоасига назар ташласак, жамоа янги, 80-90% футболчилари янги келиб қўшилган. Уларнинг ўйини қовушмади деб ўйлайман", – деди Мурод Отажонов.

- Дастлабки тур кутилмаган натижалар билан бошланди – "Нефтчи" сафарда йирик ҳисобда ютди, "Олимпик"нинг "Пахтакор устидан ғалаба қозонди. Бу сиз учун кутилмаган ҳолат бўлдими?

- Қайтариб ўтаман, мавсум бошида ҳамма жамоалар бир хил ҳолатда. 3-4-турга келганда ҳаммаси аниқ намоён бўлади. Ўша пайтга келиб жамоалар бошқача ўйин кўрсатишади. "Пахтакор" шундай ўйнашини кутмагандик, "Нефтчи"нинг ўйинларини Туркияда кўрган эдик. Суперлигада 14 жамоа бўлса, ҳаммасида деярли бир хил ҳолатда. Кимда кўпроқ тажрибали футболчилари бўлса, 3-4-турдан кейин ўзини кўрсатади.

Ҳавола :

Манба : championat.asia

Янгиликларни Телеграмда ўқинг!

Рейтинг: +2