UZ

Сўнгги янгиликлар

14:35"Мамлакатимизда футбол ривожланмоқда, балки кейинги мундиалда иштирок этишимиз мумкин". Қирғиз Республикаси бош мураббийи иштирокидаги матбуот анжумани (тўлиқ)  0 14:02Аргентина терма жамоасининг бўлажак ўйинлар учун таркиби маълум  0 13:33"Реал" афсонаси: "Олмаотага учиш Нью-Йоркка учишдек гап"  7 13:04"Фенербахче" Моуриньюни бош мураббий лавозимидан озод этди  6 12:52Туркманистон бош мураббийи Ровшан Мередов: "Бу савол менга эмас"  2 12:23Тимур Кападзе ва Азизбек Турғунбоев иштирок этган матбуот анжуманида қандай фикрлар янгради? (Тўлиқ матбуот анжумани)  13 11:56Тимур Кападзе Паулу Бенту ҳақида фикр билдирди  27 11:44Карлуш Кейруш: "Бир неча йил аввал Ўзбекистон футболи "уйқу"да эди"  23 11:40Карлуш Кейруш Паулу Бенту ҳақида фикр билдирди  0 11:20Ўзбекистон МТЖ эртага янги формада ҳаракат қилади  12 10:53Довбик А Сериянинг бошқа жамоасига ўтишга яқин  4 10:28Хави Симонс фаолиятини АПЛда давом эттиради (Фабрицио Романо)  7 09:57Адриен Рабьо "Милан"га ўтмайди, онаси унинг "Марсель"да қолишини истамоқда  1 09:25Ислом Исмоилов: "Жаҳон чемпионати олдидан Англия, Канада, Марокашга қарши ўйнаш жамоага куч беради"  1 08:56"Ньюкасл" Исакнинг ўрнига Германиядан ҳужумчи олиб келади  7

Муҳаммадали Усмонов: "Андижон" мухлисларининг бундай илиқ кутиб олиши бошқача қувонч ва хурсандчилик бағишлади" Янгиликлар

Муҳаммадали Усмонов: "Андижон" мухлисларининг бундай илиқ кутиб олиши бошқача қувонч ва хурсандчилик бағишлади"

"Андижон" клуби ёзги трансфер чоғида таркибига бир қатор янги футболчиларни қўшиб олаётганидан хабарингиз бор.

"Бургутлар" аъзосига айланган янги ўйинчилар орасида ҳужумкор ярим ҳимоячи Муҳаммадали Усмонов ҳам бор. "Пахтакор"да тўп тепган асли андижонлик йигит ўз уйига қайтди ва энди "Андижон" шарафини ҳимоя қилади. Усмонов "Андижон" матбуот хизматига интервью берар экан, бир қатор саволларга жавоб қайтарди.

- Муҳаммадали, иккинчи даврадан фаолиятингизда янги саҳифа очилмоқда. Бундай янги чақирувга қанчалик тайёр эдингиз?

- Барча андижонликларга, футбол мухлисларига, "Ультрас Бургут" аъзолари, ҳамма-ҳаммага ассалому алайкум. Насиб қилса, иккинчи даврадан фаолиятимда янги саҳифа очилади. "Андижон" клубига, мураббийлар штабига чақириб, ишонч билдиргани учун катта раҳмат. Албатта, чақирувга тайёр эдим, чунки ўзингиз билганингиздек, ўйин амалиётисиз қолгандим. Шу сабабли кетишим керак эди. Кетишимни олдиндан билардим. Мен ўйнашни истаётгандим. Худо хоҳласа, "Андижон"да кўпроқ ўйин амалиётига эга бўлиб, ўзимни кўрсатиб, соғлом рақобат қилишга ҳаракат қиламан.

- "Андижон" билан Тожикистон йиғинида қатнашдингиз. Қандай таассуротлар қолди?

- Албатта, жамоа билан Тожикистондаги йиғинда бўлдим. Кунига икки маҳалдан машғулотлар ўтказдик. Жамоадошларимга раҳмат, ҳаммаси илиқ кутиб олиб, яхши қабул қилишди. Ҳамма билан жуда яхши чиқишиб кетдим. 

- Янги жамоада 99-рақамни танладингиз. Бу сизнинг ёқтирган рақамингизми?

- Рақам масаласига келадиган бўлсак, ёқтирган рақамларим ичида бу ҳам бор. Шунинг учун 99 ни танладим. Аввало, рақам ўйинчини эмас, ўйинчи рақамни безаб туради. Худо хоҳласа, яхши ўйинлар кўрсатсак, 99-рақам янада чиройли бўлиб кўринади.

- Мухлислар сизни хурсандчилик билан қарши олдилар ва ҳамма янги ўйинчилар қатори сиздан ҳам умидлари катта. Уларнинг қўллаб-қувватлаши сизга қўшимча мотивация бағишлаяптими?

- Мухлисларнинг бундай илиқ кутиб олиши ўзим учун ҳам бошқача қувонч ва хурсандчилик бағишлади, чунки ҳар бир футболчининг орзуси мухлисларнинг қалбидан жой олиш. Менга ишонч билдиришяпти ва Худо хоҳласа, бу ишонч албатта оқланади.

- Иккинчи даврада олдингизга қўйган вазифангиз қандай?

- Иккинчи даврада олдимга қўйган вазифам – чиройли ўйинлар ва голларим билан мухлисларни хурсанд қилиб, жамоамга ёрдам бериш. Осиё Чемпионлар Лигаси 2да ҳам ижобий натижаларга эришиш вазифамиз ҳисобланади. 

- Ўз уйингизга қайтдингиз ва қачондир шу ҳолат юз бериши керак эди. "Пахтакор"дан "Андижон"га ўтишингизни қандай изоҳлаган бўлардингиз?

- Мен уйимга қайтдим. Инсон ўз уйида қанчалик эркин бўлишини биласиз. Насиб қилса, бундай эркинлик билан янада кучлироқ бўлиб, биз барчасини албатта уддалаймиз. Мухлисларимизга раҳмат. Бизни қўллаб-қувватлаб туришса, албатта вазифани бажарамиз. Олға, "Андижон"!

Рейтинг: +3   

Фикрлар

   
29 июл 18:10:23
mirabzal
мана энди жойини топибсан андижон сан уревенингдиги каманда макси ёкимтойи андижондан кетмагин кзини уйиндан
   
29 июл 12:35:09
сардорбек
Машҳур қўшиқчи Ғайрат Усмоновнинг ўғли, ўз уйига қайтибди, унга ва Андижон жамоасига омад тилаймиз! Юрт шаънини муносиб ҳимоя қилишсин!
championat.asia
< сўнгги янгиликларни кўриш
Яндекс.Метрика