МТЖ. Легионерларимиз Тошкентга қачон келишади?
26 окт 2016 17:56
Янгиликлар
![](https://championat.asia/upload/storage/225859_original.jpg)
![](/upload/storage/225859_220.jpg)
МТЖ. Легионерларимиз Тошкентга қачон келишади?
Самвел Бабаян бошчилигидаги жамоа 10 ноябрь куни Тошкентда Иордания билан ўртоқлик учрашувини ўтказади. Бу ўйинларга тайёргарлик кўриш мақсадида терма жамоамиз 4 ноябрь куни йиғинни бошлайди.
Ушбу йиғинга легионерларимиз қачон қўшилишлари ҳақида маълумот берамиз.
Игорь Сергеев ва Егор Кримец ("Бейжинг Гоан"), Анзур Исмоилов ("Чанчун Ятаи")
Хитой Суперлигасида 30 октябрь куни мавсумнинг сўнгги тур ўйинлари бўлиб ўтади. Бу дегани бу мамлакатда ўйнайдиган футболчилар ноябрь ойи бошидаёқ юртимизга етиб келишади ва йиғиннинг бошиданоқ жамоа билан бирга бўлишади.
Азизбек Ҳайдаров ("Ал Шабаб")
БАА про-лигасида ўйнаётган ҳамюртимиз Тошкентга 3 ёки 4 октябрь куни келиши мумкин. Сабаби "Ал Шабаб" 2 ноябрь куни тур ўйинини "Ал Айн"га қарши ўтказади.
Сардор Рашидов ("Ал Жайиш")
Рашидов жамоаси ҳам 2 ноябрь куни Қатар Юлдузлар лигасида ўйин ўтказади. Шу боис Сардор Азизбек Ҳайдаров билан деярли бир вақтда Тошкентга келиши кутилмоқда.
Санжар Турсунов ("Ворскла")
Агар Самвел Бабаян Турсуновни йиғинга чақирса ҳамюртимиз тахминан 6 ноябрь куни Ўзбекистонга келади. Сабаби "Ворскла" 5 ноябрь куни "Карпати"га қарши сафарда ўйин ўтказади.
Александр Гейнрих ("Ордабаси")
Қозоғистонда мавсумнинг сўнгги тур ўйини 29 октябрь куни ўтказилади. Саша 6 ноябрь куни Тошкентга келади.
Одил Аҳмедов ("Краснодар"), Виталий Денисов ("Локомотив"), Вадим Афонин ("Оренбург")
Легионерлар орасида энг кеч келадиганлари Россияда ўйнайдиганлари бўлади. Виталий Денисов ўйнаётган "Локо" 5 ноябрда "Анжи" билан беллашади. 6 ноябрь куни "Краснодар" ўз уйида "Оренбург"ни қабул қилади. Самвел Бабаян агар ҳужжатлари билан муаммолар ҳал қилинса "Оренбург" вакили Вадим Афонинни ҳам терма жамоага чақиришга тайёрлигини маълум қилган.
Ўхшаш янгиликлар
![AMP Logo](https://championat.asia/image/logo-amp.png)
Фикрлар