Мойес: "Фергюсон кетганидан сўнг, кимдир мендан яхшироқ ишларди деб ўйламайман"
08 окт 2017 15:49
Янгиликлар
![](https://championat.asia/upload/storage/281777_original.jpg)
![](/upload/storage/281777_220.jpg)
Мойес: "Фергюсон кетганидан сўнг, кимдир мендан яхшироқ ишларди деб ўйламайман"
"Манчестер Юнайтед" собиқ бош мураббийи Дэвид Мойес "қизил иблислар"да ишлаган пайтларини эслади.
Шотландиялик мутахассис сэр Алекс Фергюсон 2013 йил жамоани тарк этгандан сўнг МЮга келди, аммо у кейинги йилнинг баҳоридаёқ ишдан ҳайдалди.
"МЮ мураббийига айлансанг, ғалаба қозонишинг шартлигига қўшиламан. Мен етарлича ғалабага эриша олмадим. Аммо Фергюсон кетганидан сўнг, кимдир мендан яхшироқ ишлай оларди деб ўйламайман.
Клубда раҳбарият ўзгарганини эсланг. Фергюсон билан Дэвид Гилл ҳам кетди ва Эд Вудворд келди. Ҳар қандай ҳолатда ҳам вақт керак эди. Ҳа, мен чемпионатда ғолиб бўлган жамоани бошқардим, аммо "Челси" ва "Манчестер Сити" биздан ўзиб кетиш учун ўша ёзда катта пул сарфлашди. Соврин ютган жамоани бошқаришим қийин эди" - дейди Мойес.
Ўхшаш янгиликлар
![AMP Logo](https://championat.asia/image/logo-amp.png)
Фикрлар