Моуринью: "Дибала билан ва Дибаласиз "Рома" бутунлай бошқа-бошқа жамоа"

Римликлар қўшиб берилган вақтда Неманья Матичнинг ҳаракатлари эвазига ҳисобни тенглаштиришиб, сўнгги дақиқаларда мағлубиятдан қутилиб қолди.

"Бугунги ўйин икки қисмга бўлинганди - 70-дақиқагача ва ундан кейин. "Рома" мухлислари майдонни тарк этишга ҳозирлик кўришаётганди, аммо сўнгги 20 дақиқада биз аввалги тўрт-бешта ўйиндагидан кўра кўпроқ имкониятлар яратдик. Нега бундай бўлди? Жавоб оддий - Дибала 70-дақиқада майдонга тушди. "Рома" Пауло билан ва усиз икки хил жамоага айланмоқда. Агар у жароҳат олмаганида, кўпроқ очко тўплаган бўлардик", - деди португалиялик мураббий.