Моуриньо истеъфосидан сўнг илк марта журналистлар билан мулоқот қилди
19 дек 2018 21:29
Янгиликлар

Моуриньо истеъфосидан сўнг илк марта журналистлар билан мулоқот қилди

Теглар : Манчестер Юнайтед Жозе Моуриньо

“Манчестер Юнайтед” собиқ устози Жозе Моуриньо истеъфога чиқарилгандан сўнг илк бор ОАВ ходимлари қаршисида кўриниш берди.

“Мен сайрга чиқишим мумкинми, йўқми? МЮдан кетишим ҳақида ҳеч нарса дейишни истамайман, мени яхши биласизлар. Агар мен билан сайр қилишни истасангиз, юринглар Баттерси (Лондоннинг шимолий тумани)га қадар бирга борамиз”, дея Моуриньонинг сўзларидан иқтибос келтирмоқда Sky Sports.

Кеча, 18 декабрь куни португалиялик мутахассис МЮдан истеъфога чиқарилди. Мавсум якунига қадар Сульшер МЮ бош мураббийи вазифасини бажарувчи этиб тайинланди.

Моуриньо 2016 йил ёзида “қизил иблислар” бошқарувини қўлга олганди. У билан жамоа учта совринни қўлга киритди.

Ҳавола :

Манба : Sky Sports

Янгиликларни Телеграмда ўқинг!

Рейтинг: +14