Морено Испания терма жамоасидан кетиши ҳақида: "Менинг виждоним тоза ва ўз сўзимда тураман"

"Сўнгги кунларда бўлиб ўтган ишлардан сўнг, фаолиятим давомида мени қўллаб-қувватлаганларга миннатдорчилик билдирмоқчиман ва Испания термаси мураббийлигидан кетганимни эълон қилмоқчиман.

Қийин вазиятларда Испания терма жамоасини бошқаришга тўғри келди. Аммо биз вазифани уддаладик ва Еврога ишончли тарзда йўл олдик. 

Менинг виждоним тоза. Барчани хурсанд қилишнинг иложи йўқ, лекин ҳамма фикрларни ҳурмат қиламан.  Мен ўз сўзимда турадиган инсонман. Луис Энрике қайтишни истаса, унга қаршилик қилмайман.  Луисга энг яхши тилакларни тилайман, унинг хурсандчилиги - бизнинг хурсандчилигимиз", - деди Морено.