"Mixed zone". Муҳаммадқодир Ҳамралиев: "Мали билан ўйинда Олимпиада даражасини ҳис қилдик"

 Дуранг билан якунланган учрашувдан сўнг "оқ бўрилар" ҳимоячиси Муҳаммадқодир Ҳамралиевнинг фикрлари билан қизиқдик.

"Мали ҳақиқатдан ҳам яхши жамоа экан. Кўрдингиз, рақиб ўзини ҳам, бизни ҳам аямаяпти. Қайсидир маънода Олимпиададаги даражани билинтирди. Улар бекорга Париждаги мусобақага йўлланма олмаганини кўрсатди. Умуман олганда, муносиб кураш кечди, Олимпиадада қандай бўлишини оз бўлсада ҳис қилдик. У ерда бизни шундай қийин ўйинлар кутяпти. Биз бундай даражадаги рақибларга тайёр бўлишимиз керак. Мали каби терма жамоалар бунинг учун айни муддао. 

Таркибимизда янги футболчилар ҳам бор эди. Мураббий бу орқали барчага имконият бермоқда. Осиё кубогида ҳам шундай ҳолат кузатилганди. Бу яхши деб ўйлайман",- дейди Ҳамралиев.