Михаил Наумов "Навбаҳор"да
05 фев 2016 21:01
Янгиликлар

Михаил Наумов "Навбаҳор"да

Мавсумга тайёргарликнинг навбатдаги босқичини Тошкентда ўтказаётган “Навбаҳор” жамоаси сафига бугун дарвозабон Михаил Наумов келиб қўшилди.

2015 йилги мавсум биринчи ярмини Жиззахнинг “Сўғдиёна” клубида, иккинчи даврани эса биринчи лига вакили "Оқ-тепа"да ўтказган ушбу посбон жамоа машғулотларига қўшилгунга қадар “Олмалиқ” йиғинида иштирок этаётганди. Дарвоза чизиғидаги рақобатни кучайтириш мақсадида мураббийлар штаби Наумовни ҳам кўрикдан ўтказишади.

Бундан ташқари, жамоанинг Тошкентдаги дастлабки йиғинида қатнашган Нодир Мавлонов ва Равшан Аслановлар яна машғулотларга қайтишди. Мавлонов “Обод” таркибига ўтиб, олий лиганинг янги вакили сафида назорат ўйинида қатнашишга ҳам улгурганди.

Эртага "Навбаҳор" Тошкентнинг “Обод” жамоасига қарши навбатдаги назорат ўйинида майдонга тушади. Мазкур ўйин “Обод” ўйингоҳида соат 12.00да бошланади.

Ҳавола :

Манба : pfcnavbahor.uz

Янгиликларни Телеграмда ўқинг!

Рейтинг: -1