Миржалол Қосимов: "Ҳамма айбни ўз зиммамга оламан"
10 сен 2013 23:20
Янгиликлар

Миржалол Қосимов: "Ҳамма айбни ўз зиммамга оламан"

Поёнига етган учрашувдан сўнг, матбуот анжуманининг иккинчи қисмида Ўзбекистон миллий терма жамоаси бош мураббийи Миржалол Қосимов иштирок этди.

- Нима ҳам дердик, ортиқча гапиришни фойдаси йўқ. Мухлислардан узур сўрайман. Олдимизга қўйилган озгина мақсадимизга эриша олмадик. Ҳамма айбни ўз зиммамга оламан. Озгина имконият бор эди. Аммо фойдалана олмадик. Янги қон керак. Ўйинга келсак, ютса жамоа ютади, аксинча бўлса мураббий. ЖЧга чиқа олмадик, шу боис истеъфо сўрайман", - дейди Қосимов.

- Осиё чемпионати саралаши олдидан ниманидир ўзгартира оласизми?

- Аслида жаҳон чемпионатига чиқишни истаган эдик. Бунга озгина имконият бор эди. Афсуски, бу футбол. Бундан жуда афсусдаман. Бугунги ўйинда стадионга келган мухлислар ҳам бизни қўллаб-қувватлади. Бунинг учун уларга миннатдорчилик билдираман. Саволингизга келсак, буни вақт кўрсатади.

- Барча айбни ўз зиммангизга олмоқдасиз, футболчиларчи?
- Йигитларга ҳеч қандай эътироз йўқ.

Ҳавола :

Манба : championat.asia

Янгиликларни Телеграмда ўқинг!

Рейтинг: