Миржамол Қосимов: "Олмалиқ"да кўрикдан ўтаяпман"

Ўйин якунлангач Миржамолга ўзимизни қизиқтирган саволлар билан мурожаат қилдик.

- Бугунги ўйин ҳақида қандай фикр билдирасиз?
- Янги мавсумга тайёргарлик қизғин кетяпти, шунинг учун ҳар икки уч кунда ўртоқлик ўйинлари ўтказиляпти. Кўрган бўлсангиз бугун ҳам Ғузорнинг “Шўртан” жамоасига қарши майдонга тушдик, жуда қизиқарли ва курашларга бой учрашув бўлди деб ўйлайман. Баҳс асосан майдон марказида кечди, ҳар икки жамоа ҳам мавсумга яхши тайёргарлик кўряпти. Жамоаларга келадиган бўлсак икки томон ҳам янги футболчиларни кўрикдан ўтказмоқда шу жумладан ҳозирча мен ҳам кўрикдаман. 

- Тайёргарликда нималарга кўпроқ эътибор қаратяпсизлар?
- Тайёргарлик жараёни яхши кетяпти, ўзингиз билсангиз керак ҳар бир жамоа қишки йиғинларда асосан жисмоний тайёргарликка кўпроқ эътибор қаратади. Чунки футболчиларни аввалги спорт формасини тиклаш керак. Замонавий футболда биринчи ўринда жисмоний ҳолат туради. Бизда ҳам худди шундай жараён кетяпти, аввалги спорт формамизни секин – аста тиклаяпмиз. Машғулотларда техникавий ва тактикага ҳам эътибор қаратяпмиз.

- “Олмалиқ” жамоаси билан келишувга эришдингизми?
- Ҳозирча машғулотларда қатнашяпман, ҳозирча ҳеч қандай келишув бўлгани йўқ. Яқин орада барчаси маълум бўлади.
 

Жаҳонгир Сотволдиев суҳбатлашди.