Миржалол Қосимов: “Бугунги учрашувдаги ўйинимиз ва натижамиз мухлисларга ёқди деб ўйлайман”
23 авг 2023 07:02
Янгиликлар

Миржалол Қосимов: “Бугунги учрашувдаги ўйинимиз ва натижамиз мухлисларга ёқди деб ўйлайман”

ОКМК бош мураббийи Миржалол Қосимов “Ал Араби”га қарши учрашувдан сўнг матбуот анжуманида иштирок этди.

Кеча ҳам айтгандим, икки жамоа ҳам гуруҳ босқичига чиқиш учун барча имкониятларидан фойдаланишга ҳаракат қилди. Шунинг учун ҳам бугунги учрашув анча чиройли ва шиддатли ўтди. Бугунги учрашув осон бўлмади. Бугунги учрашувдаги ўйинимиз ва натижамиз мухлисларга ёқди деб ўйлайман. Фурсатдан фойдаланиб, “Навбаҳор” жамоасини гуруҳ босқичига чиққани билан табриклайман.

“Ал Араби” яхши жамоа. Бугун шогирдларим яхши ҳаракат қилди, улар майдонда жуда зич ўйнашди ва рақибларига бугун ҳеч қандай имкон бермади деб ўйлайман. Қатар чемпионати ҳали бошланмагани бугунги учрашувда билиниб қолди деб ҳам ўйлайман. Қайсидир маънода, шу нарса ҳам бизга фойдали бўлди. Умуман олганда, “Ал Араби”га Қатар чемпионатида омад тилаб қоламан.

Стадион ажойиб, биз футбол ўйнаганимизда бундай шароитлар йўқ эди. Биз 50 градус иссиқда ўйнаган бўлсак, ҳозир Қатардаги стадионларда кондиционерлар ишламоқда. Барчаси ажойиб, ортиқча тариф бериш шарт эмас.

Ҳавола :

Манба : championat.asia

Янгиликларни Телеграмда ўқинг!

Рейтинг: +38