Мирғиёс Сулаймонов: “Насаф” кучли ва уларга қарши ўйнаш доимо қийин”
27 май 2017 16:28
Янгиликлар

Мирғиёс Сулаймонов: “Насаф” кучли ва уларга қарши ўйнаш доимо қийин”

Олий лиганинг 12-турида Бекободнинг “Металлург” жамоаси “Насаф” қабул қилди ва кичик ҳисобда ғалаба қозонди (1:0). Ўйиндан сўнг “Металлург” футболчиси Мирғиёс Сулаймонов ўйин борасида ўз фикрлари билан бўлишди.

- Бу ўйинга жиддий тайёргарлик кўрган эдик. Турнир жадвалида охирги ўринлардамиз шу сабабли бизга очко сув ва ҳаводек керак эди. Қийин ўйин бўлишини билар эдик. Об-ҳаво ҳам иссиқ эди. Мураббийларимизнинг кўрсатмаларини туғри бажардик. Тезкор гол бизни янада руҳлантирди. Муроджон Тошматовда, Зоҳид Абдуллаевда голли вазиятлар кўп бўлди. “Насаф” кучли жамоа ва уларга қарши ўйнаш доимо қийин кечади.

-“Металлург” ниманинг ҳисобига ғалабага эришди?
- Жамоамиз бирдамлик ва жамоавий ўйин ҳисобига ғалабага эришди. Энг муҳим мақсад эса бекободлик мухлисларни хурсанд қилмоқчи эдик ва буни уддаладик. Биз уларини анча вақтдан бери хурсанд қилолмаётгандик. Бунинг учун муҳлисларимизга қўллаб-қувватлагани учун катта раҳмат айтаман.