Мираброр Усмонов футзалчиларимиз билан учрашди

Йиғилиш давомида терма жамоамиз бош мураббийи, бир қанча етакчи футболчилар сўзга чиқишди.

Шундан сўнг федерация президенти сўзга чиқди:

"Албатта, ҳар бир одамнинг ўзига яраша режалари, ниятлари бўлади. Уларни рўёбга чиқиши учун қўлдан келганича ҳаракат қилади. Мини футбол ртимизга кириб келганига анча вақт бўлди. Бу орада спортнинг ушбу турини ривожлантириш йўлида кўплаб ишлар амалга оширилди. Юртимизда мини футбол майдонлари жуда кўп. Ҳаттоки тунгача ёшларимиз спортнинг ушбу тури билан шуғулланмоқдалар.

Сизлар Ўзбекистон спортчиларисиз. Юртимизни дунёда танитмоқдасизлар. Мамлакатимизда кўплаб мусобақалар ўтказилмоқда. Бу катта ютуқ. Аммо, агар юракдан ватан учун ўйнаш иштиёқи, истаги бўлмаса буларнинг фойдаси йўқ. Ўша ердаги футзалчиларнинг барчаси ҳудди сизлардек инсон. Ортиқ жойи йўқ. Сизларга ҳам ҳудди улардек, керак бўлса, улардан ортиқ шароит яратиб берилган.

Истагим, Мундиалга борганда Ўзбекистонни танитинглар. Футзал орқали юртимизни дунёга танитинг", - дейди Мираброр Усмонов.