Миллий терма жамоа декабрь ойида Кувайтга қарши ўртоқлик ўйинини ўтказади
17 сен 2014 13:21
Янгиликлар

Миллий терма жамоа декабрь ойида Кувайтга қарши ўртоқлик ўйинини ўтказади

ОК-2015 мусобақасига тайёргарлик кўраётган Ўзбекистон миллий терма жамоаси 10 декабрь куни Дубай шаҳрида Кувайт терма жамоасига қарши ўртоқлик учрашувини ўтказади.

Мазкур ўйин Ўзбекистон миллий терма жамоасининг декабрь ойида БАА мамлакатида ўтказилиши режалаштирилган ўқув-машғулот йиғини доирасида бўлиб ўтади.

Эслатиб ўтамиз, Миржалол Қосимов бош мураббийлигидаги Ўзбекистон миллий терма жамоаси ОК-2015 мусобақаси олдидан декабрь ойида БАА мамлакатида йиғин ўтказади. Режага кўра, Кувайт терма жамоасига қарши ўйиндан ташқари миллий терма жамоа декабрь ойида шунингдек Фаластин (13 декабрь) ва Ироқ (28 декабрь) терма жамоаларига қарши ўртоқлик ўйинларини ўтказади. Мазкур ўйинлар ҳам БААнинг Дубай шаҳрида ўтказилиши реажалаштирилган.

Эслатиб ўтамиз, Ўзбекистон миллий терма жамоаси ОК-2015 финал босқичи «B» гуруҳида Саудия Арабистони, Хитой ва КХДР терма жамоаларига қарши баҳс олиб боради. Кувайт терма жамоаси эса, мусобақанинг «A» гуруҳида Австралия, Жанубий Корея ва Уммон терма жамоаларига қарши ўйнайди.

Ҳавола :

Манба : the-uff.com

Янгиликларни Телеграмда ўқинг!

Рейтинг: