“Милан”ни бошқариши мумкин бўлган навбатдаги мураббий номи маълум

Италия нашрининг хабар беришича, Лучано Спалетти – “Милан” устози бўлишга асосий номзод.

Ральф Рангник билан музокаралар ижобий якун топмаганидан кейин, миланликларни янги мавсумдан бошқариш учун Спалетти олиб келиниш эҳтимоли юқори бўлиб турибди.

61 ёшли мутахассис Италиянинг “Эмполи”, “Сампдория”, “Венеция”, “Удинезе” (2 марта), “Анкона”, “Рома” ҳамда “Интер” каби жамоаларида ишлаган. Шунингдек, 2009-2014 йилларда “Зенит” бошқарувида ҳам фаолият юритган.

Эслатиб ўтамиз, ҳозирда “Милан” бош мураббийи Стефано Пиоли ҳисобланади.