"Милан" тарбияланувчиси С Серия вакили билан шартнома имзолади
18 окт 2019 21:55
Янгиликлар

"Милан" тарбияланувчиси С Серия вакили билан шартнома имзолади

"Милан" тарбияланувчиси Хошим Мастур Италия футболига қайтди.

21 ёшли ярим ҳимоячи С Серияда ўйнаётган "Реджина" клуби билан шартнома имзолади. Хавбек ушбу йил март ойида Грециянинг "Ламии" жамоасидан кетди ва эркин агент мақомида Италия клубига бориб қўшилди.

Мастур 2012 йил 14 ёшида "Милан"га келиб қўшилган. 16 ёшида Марокаш терма жамоасида дебют ўйинини ўтказган ва 2015 йил сентьябр ойида ижара асосида "Малага"да тўп тепганди.

Ла Лигада ўзини кўрсата олмаганидан сўнг, ўйинчи дарҳол Голландиянинг "Зволе" клубига ижарага юборилди ва у ерда атиги 4 та баҳсда майдонга тушди.

Эслатиб ўтамиз, Мастур 2018 йил июль ойида "Милан"ни тўлақонли тарк этганди.