Италиянинг "Милан" клуби ўзининг кичик ёшдаги футболчиси Франческо Камарда билан келишув имзолашга яқин турибди, дея хабар берди Фабрицио Романо.
"Россонери" ва 15 ёшли форвард ўртасидаги музокаралар якуний босқичда, аммо Камарда ўзининг биринчи профессионал шартномасини март ойида, 16 ёшга тўлгандагина имзолай олади.
Эслатиб ўтамиз, Франческо Камарда "Фиорентина"га қарши 13-тур учрашувида захирадан майдонга тушиб, А Серия тарихидаги энг ёш футболчига айланди.
