"Милан" Жируга янги битим таклиф этди

"Милан" клуби ҳужумчи Оливье Жиру билан шартномани узайтириш борасида музокаралар олиб бормоқда. Бу ҳақда инсайдер Николо Скира хабар берди.

Футболчига 2024 йилнинг июнига қадар мўлжалланган янги шартнома таклиф қилинган. Франциялик футболчининг "россонери" билан амалдаги келишуви жорий мавсум охиригача тузилган.

36 ёшли ҳужумчи ушбу мавсумда барча турнирларда 17 та ўйин ўтказиб, 8 та гол урди ва 4 та голга ассистентлик қилди.