Мигел Родриго: "Таиланд ёки Вьетнам? Доччи демо ии"

“Ўйин натижасидан хурсандман. Австралия терма жамоаси ҳимояда жуда яхши ўйнади. 30га яқин гол уриш учун имкониятлар бўлди. Шунга қарамай кучли жамоага қарши ғалабага эриша одик. 100 фоизли натижа билан чорак финалга чиқдик. Хурсандман”, - дейди Мигел Родриго.

- Мусобақанинг муҳим палласи етиб келмоқда. Япония бугун кам гол урди. Бу нимадан далолат?
- Малайзия ва Австралия савияси турлича бўлган жамоалар ҳисобланади. Австралия ҳимояда жуда кучли ўйнайди. 11:1 ҳисобида ютган ўйинимиздан кўра бугунги баҳс менга кўпроқ ёқди. Тўпни яхши назорат қилдик.

- Чемпионат бошланмасидан олдин бу гуруҳдаги барча жамоа устозлари бир овоздан ушбу гуруҳни энг кучли дейишганди. Япония бу гуруҳдан 100 фоизли натижа билан чорак финалга чиқди. Бу дегани сизнинг жамоаингиз чемпионлик учун энг асосий фаворитми?
- Эрон фаворит. Улар Осиё футзалининг қироллари. Форслар Осиёда 10 марта чемпион бўлишган.  Тўғри охирги чемпионатларда Япония чемпион бўлди. Аммо барибир Эрон яққол фаворит.

-  Австралия футзалига қандай баҳо берасиз?
- Роберт Варела билан гаплашдим. Уларда футзал билан шуғулланадиган бўлим йўқ. Бундан ташқари футзал лигаси йўқ. Улар узоқ муддатли йиғин ўтказиб Осиё чемпионатига тайёргарлик кўришди. Футбол бўйича Осиё чемпиони бўлган Австралияда футзал лигаси йўқлиги мени ҳайрон қолдирди. Умид қиламанки қитъада футзал ривожланиб бораверади. Варела жуда малакали мураббий ҳисобланади. Австралия терма жамоаси 6та йиғин ўтказди ва чорак финалга чиқди. Бунда мураббийнинг хиссаси жуда катта. Буни ақлли мураббийгина амалга ошира олади.

- Таиланд ёки Вьетнам? Қайси бири?
- Доччи демо ии (кулади). Бу япончасига фарқи йўқ дегани.

Нарзулла Сайдуллаев