Metaratings.ru: Ўрунов яқин вақт ичида «Спартак» билан шартнома имзолайди
21 июл 2020 15:29
Янгиликлар

Metaratings.ru: Ўрунов яқин вақт ичида «Спартак» билан шартнома имзолайди

«Спартак» «Уфа» ярим ҳимоячиси Остон Ўрунов билан шахсий шартнома бўйича музокара олиб бормоқда.

Олдинроқ Metaratings.ru «Спартак»нинг ёзги трансфер ойнаси вақтидаги илк хариди Ўрунов бўлишини эълон қилганди.

Томонлар музокарани деярли якунлашди ва Ўрунов ҳақиқатан ҳам Доменико Тедеско жамоасининг ёздаги илк хариди бўлади. Трансфер яқин кунларда расман эълон қилинади.

Ўрунов Тошкентнинг «Локомотив» 2020 йил февраль ойида 200 минг евро эвазига «Уфа»га кўчиб ўтган ва 4 йиллик шартнома тузган эди. Бу мавсум ҳозирга қадар ўзбекистонлик футболчи 10та ўйинда майдонга тушди.

Transfermarkt портали футболчининг трансфер нархини 900 минг еврога баҳоламоқда.

«Уфа» Россия чемпионати тугашига 1 тур қолганида 37 очко билан 8-ўринни эгаллаб турибди. «Спартак» ҳисобида эса 36 очко бор ва жамоа 9-ўринда.