“Металлург” ёшлари Ўзбекистон U-19 га ютқазди

Тенг курашлар остида ўтган ўйиннинг биринчи таймида ҳисоб очилмаган бўлса, иккинчи таймда майдон марказини эгаллаган Жасур Абдураимов шогирдлари учрашув тугашига ўн дақиқа вақт қолганда ғалаба тўпини киритишга муваффақ бўлишди. Мазкур ўйин орқали терма жамоа мураббийлари сентябрь ойида Ҳиндистонда ўтадиган Осиё чемпионатига тайёргарлик Ўзбекистон ёшлар терма жамоаси таркибини яна бир марта кўздан кечириб олишди.

Ўз навбатида “Металлург” таркибида шу куни асосан ёшлар таркиби ўйинчилари ҳамда асосий таркибда турли сабаблар боис ўйин амалиётига кам эга бўлаётган футболчиларга имкон берилди. Мазкур учрашув Ғузорнинг “Шўртан” жамоаси ёшлар таркибига қарши бўладиган 3-тур ўйини олдидан Одил Исабоев шогирдлари учун яхшигина кўрик вазифасини ўтаб берди.

Ўзбекистон U-19– “Металлург” – 1:0 (0:0). 28.03.2016 йил. ЖАР стадиони.

Ҳакам:Е.Песлигин.

“Металлург”: С.Султонов, А.Тошқўзиев, У.Худойбердиев, Ж.Аҳмедов, В.Магеррамов, У.Худоёров, Ф.Намозов, Э.Исмоилов, Ж.Эсонқулов, А.Нўъмонов, Ж.Ҳакимов.

Заҳирадан майдонга тушганлар:М.Қаҳрамонов, С.Тошпўлатов, М.Нуралиев, З.Акбаралиев.